ELIMU KIPAUMBELE CHA KWANZA MWAKA 2013 MKOANI KAGERA.

ELIMU KIPAUMBELE   CHA KWANZA MWAKA 2013 MKOANI KAGERA.

Wazazi na walezi wametakiwa  kuwapeleka  watoto wao shule waliochaguliwa kujiunga na masomo ya sekondari  ndani ya wiki moja.

  

Kauli hii imetolewa na mkuu wa mkoa wa Kagera Cal Fabiani .I. Massawe katika ziara yake ya kagua miradi ya maendeleo wilayani Karagwe mkoani humo  baada ya mkuu wa shule ya sekondari ya Ndama kusoma taarifa iliyobainisha  mapungufu  ya  wanafunzi 200 waliochaguliwa kujiunga na shule hiyo ni wanafunzi 40 tu waliripoti kuanza masomo ya sekondary.

“ Nimesikiliza taarifa ya shule lakini bado,Wazazi wote na walezi ambao hawajapeleka watoto walifaulu kuanza kidato cha kwanza nawapa wiki moja kuhakikisha watoto hao wanakwenda shule na viongozi mfuatilie”

Cal masawe amesema kufanya hivyo itasaidi kupiga hatua ya maendeleo kielimu kwani ndicho kipaumbele cha kwanza kwa mwaka 2013 kati ya miradi mingine ya maendeleo mkoani Kagera.

Wakati huo amewataka Watendaji wa halmashauri  wa wilaya za Karagwe na Kyerwa kusimamia vema miradi ya maendeleo na kuwa waadilifu na uwajibikaji  wa miradi ya maendeleo na serikali iliyopo madarakani kwa ajili ya kuwahudumia wananchi wake.

Amesema kuwa endapo viongozi watasimamia vema  miradi ya maendeleo na kuongoza wananchi  kwa uadilifu  ufanisi katika shughuli za maendeleo seikali iliyo  madarakani  itatimiza malengo yake  ya kuwahudumia wananchi wa kada zote na kuondoa manunguniko yaliyopo kwa sasa.

Katika ziara hiyo mkuu wa Mkoa ametembelea miradi mbalimbali ya maendeleo ikiwemo  mradi wa ujenzi wa chuo cha ualimu  Karagwe kilichopo kata ya Ihanda,mradi wa umwagiliaji wa Mwisa Bujuruga,mradi wa maji wa Charuhanga, kukagua ujenzi wa bweni la wasichana Shule ya sekondari ya Kiruruma  ,ujenzi wa Zahanati ya Omurusimbi na kukagua miradi mbalimbali ya shirika  la MAVUNO yote ya wilayani humo.